سحری میں یہ 5 ہائی کیلوریز شیک پی لیں، آپ کو رمضان میں روزے کے دوران انشااللہ نہیں ہوگا بھوک۔پیاس کا احساس

اسلامی کیلنڈر کا نواں مہینہ رمضان المبارک کا ہوتا ہے۔ رمضان المبارک کے دوران پوری دنیا میں مسلمانوں کی طرف سے روزے، نمازوں اور ذکر و اذکار کا اہتمام کیا جاتا ہے۔ رمضان کے مہینے میں روزہ رکھنا اسلام کے پانچ ارکان میں سے ایک ہے۔ لوگ اللہ کو راضی کرنے کے لیے دن بھر صوم (روزے) کا اہتمام کرتے ہیں، نمازیں پڑھتے ہیں اور قرآن پاک پڑھتے ہیں۔ رمضان میں سحری و افطار کا اہتمام خوب اچھے سے کیا جاتا ہے۔

روزہ ہماری بخشش و مغفرت کا بہترین ذریعہ ہونے کے ساتھ ہماری جسمانی صحت و تندرستی کا بھی ضامن ہے جیسا کہ فرمانِ مصطفےٰ صلَّیاللہ علیہ واٰلہٖ وسلَّم ہے: صُوْمُوْا تَصِحُّوْا(یعنی روزہ رکھو صحت یاب ہو جاؤ گے) (معجم اوسط،ج6، ص146،حدیث: 8312) اس مہینے کے معمولات دیگر مہینوں سے جدا ہوتے ہیں لہٰذا اس مہینے میں کھانے پینے میں بھی بہت احتیاط کی ضرورت ہوتی ہے کیوں کہ بسا اوقات یہ بے احتیاطی صحت کی خرابی تک لے جاتی ہے، سَحَری اور افطاری میں کیا کھائیں اور کن چیزوں سے احتیاط کریں یہاں ہم آپ کو ان چیزوں کے میں بتانے جا رہے ہیں جن پر عمل کرنے سے اِنْ شَآءَاللہ صحت بھی بہتر رہے گی اور روزہ رکھنے اور روزہ گزارنے میں بھی دشواری کم ہو گی لیکن یادرکھئے کہ اس میں ہماری نیّت صرف یہ ہونی چاہئے کہ اللہ کا حکم پورا کرنے اور روزے میں بھوک پیاس کی شدّت کی وجہ سے ہونے والی بے صبری و تشویش سے بچنے کی نیّت سے ان باتوں پر عمل کریں گے۔

سَحَری نبی کریم صلَّی اللہ علیہ واٰلہٖ وسلَّم کی سنّت ہے، اس کا یہ فائدہ بھی ہے کہ اس سے روزے میں قوّت حاصل ہوتی ہے۔ (1)سحری میں دودھ اور اس سے بنی اشیاء کا استعمال کیجئے (2) چکّی کے آٹے کی روٹی، دَلیہ یا باسمتی چاول یا دال روٹی وغیرہ استعمال کیجئے کہ ان سے بھوک دیر میں لگتی ہے (3)دہی توانائی برقرار رکھتا ہے۔ کوشش کرکے دہی گھر میں ہی بنا ئیں کیونکہ گھر میں بنائے ہوئے دہی میں کیلشیم زیادہ ہوتی ہے (4) دہی میں زِیرہ، الائچی یا خوبانی شامل کر کے کھانا اور لسّی پینا بھی مفید ہے ۔

سحری Sehri میں سبھی کھانا کھانے کی بجائے لیکوئڈ پسند کرتے ہیں لیکن جوس ،ڈرنک Drink یا کوئی بھی لیکوئڈ لینے تقریبا 50 منٹ بعد بھوک لگنے لگتی ہے۔ ایسے میں کیا کیا جائے۔

گرمی میں کھانا کھایا نہیں جاتا اور لیکوئڈ سے پیٹ نہیں بھرتا۔کوئی بات نہیں ہم آپ کی پریشانی حل کئے دیتے ہیں۔پھل کی کیلوری اور اس کے نیوٹرشنل ویلیو کو دھیان میں رکھ کر شیک بناکر لیا جائے تو اس سے کافی وقت تک پیٹ بھرا ہوگا۔

FAST: رمضان میں روزے دار سحری میں ہائی کیلوری پھل کا شیک بناکر پئیں تو دن میں انہیں بھوک کا احساس کم ہوگا لیکن دھیان رکھیں ،شوگر اور ہائی بلڈ پریشر کے مریض ان شیک کو نہ پئیں۔جانیں کون سے ہیں ہائی کیلوری پھل اور کیا ہے ان کی نیو ٹرشنل ویلیو۔

کیلا ۔ایک کیلے میں تقریبا 100، گرام کیلے میں 89 کیلوری ہوتی ہے۔250 گرام دودھ میں 105 کیلوری ہوتی ہے۔دو چمچ چینی میں 32 کیلوری ہوتی ہے۔کل ملاکر ایک گلاس میں تقریبا 250 کیلوری ہوتی ہے۔

آم۔100 گرام آم میں 60 کیلوری ،250 گرام دودھ میں 105 ،دو چمچ چینی میں 32 کیلوری ہے۔سب ملاکر ایک گلاس شیک میں تقریبا 200 کیلوری ہوتی ہے۔

کھجور۔100 گرام ڈرائی کھجور میں 359 کیلوری ہوتی ہے۔250 گرام دودھ میں 105 کیلوری ہوتی ہے۔سب ملاکر ایک گلاس کھجور میں تقریبا 465 کیلوری ہوتی ہے۔

ایووکاڈو ۔100 گرام ایووکاڈو میں 160 کیلوری ہوتی ہے۔250 گرام دودھ میں 105 کیلوری،دو چمچ چینی میں 32 کیلوری ہوتی ہے،کل ملاکر ایک گلاس شیک میں 300 کیلوری ہوتی ہے۔

ناریل ۔ناریل کے ایک کپ سفید حصے میں 283 کیلوری ہوتی ہے۔250 گرام دودھ میں 105 کیلوری،دو چمچ چینی میں 32 کیلوری ہوتی ہے۔سب ملاکر ایک گکاس ناریل شیک میں 420 کیلوری ہوتی ہے