سنسنی خیز! شوہر سے علاحدگی ہوئی تو بیوی نے اپنی سہیلی سے کرلی شادی، مچا ہنگامہ
جہاں ملک میں ہم جنس پرستوں کی شادی موضوع بحث بنی ہوئی ہے تو وہیں سپریم کورٹ اور سرکار بھی اس کو قانونی کرنے کے معاملہ پر ایک دوسرے کے آمنے سامنے ہے۔ ایسے میں مغربی بنگال میں ایک شادی کافی سرخیوں میں ہے ۔ یہاں دو لڑکیوں نے ایک مندر میں روایتی طریقے سے شادی کی ۔ بتایا جارہا ہے کہ موسمی دتہ اور مومیتا مجمدار نے اتوار کی نصف شب میں بھوتناتھ مندر میں خفیہ طور پر شادی کی، لیکن بعد میں انہوں نے سوشل میڈیا کے ذریعہ اس خبر کو شیئر کیا ۔ انہوں نے دعوی کیا ہے کہ خواہ عدالت ہم جنس پرستوں کی شادی کے سرٹیفکیٹ کی اجازت نہیں دے، لیکن کوئی بھی قانون انہیں ساتھ رہنے سے نہیں روک سکتا ہے۔ اس سے پہلے بھی کولکاتہ میں ایسی کئی شادیاں ہوچکی ہیں ۔
مغربی بنگال میں دو لڑکیوں (موسمی دتہ اور مومیتا مجمدار) نے پورے رسم و رواج کے ساتھ ایک دوسرے کے ساتھ شادی کی ۔ میڈیا رپورٹس کے مطابق موسمی دتہ پہلے سے شادی شدہ تھیں،اس کے اپنے شوہر سے دو بچے بھی ہیں۔ دتہ نے میڈیا کو بتایا کہ ان کے شوہر انہیں روز مارتے پیٹتے تھے، اس لئے وہ اپنے شوہر سے الگ ہوگئیں ۔ (News18 Bengala)
میڈیا کے ایک سوال کا جواب دیتے ہوئے انہوں نے کہا کہ کیا پیار صرف مرد اور عورت کے درمیان ہوتا ہے؟ کیا دو خواتین یا دو مرد پیار سے گھر نہیں بناسکتے؟ بتایا جارہا ہے کہ مومیتا کے اہل خانہ کو یہ شادی منظور نہیں تھی، انہوں نے اس کو گھر میں داخل ہونے سے منع کردیا ، لیکن وہ موسمی کو زندگی بھر ساتھ نہیں چھوڑنے کا وعدہ کردیا تھا، اس لئے وعدہ نبھانے کیلئے کرایہ پر رہنے لگی ۔ (Video Grab)
بتایا جارہا ہے کہ ان کے معاشقہ کے درمیان مومیتا کچھ دنوں کیلئے بن گاوں سے کولکاتہ چلی گئی تھیں، تبھی دتہ کو احساس ہوا کہ وہ اس کے بغیر نہیں رہ سکے گی۔ اس نے بتایا کہ جس طرح ایک پیڑ پانی کے بغیر نہیں رہ سکتا، میں اس کے بغیر نہیں رہ سکتی، اس لئے میں نے فورا شادی کی تجویز رکھی اور شادی کرلی۔ فی الحال یہ جوڑا ایک کرایہ کے مکان میں رہ رہا ہے۔ (News18 Bangla)
