جڑواں بہنوں نے ایک ہی مرد سے کی شادی، سونے، نہانے سے لے کر ٹوائلیٹ تک جاتی ہیں ایک ساتھ!

دنیا میں آپ نے کئی ہم شکل جڑواں کو دیکھا ہوگا، لیکن آج ہم جن کی بات کرنے جارہے ہیں وہ سب سے الگ ہیں ۔ الگ یعنی شکل سے نہیں بلکہ اپنی لائف اسٹائل سے ۔ یہ دونوں آسٹریلیا کے پرتھ شہر میں رہتی ہیں ۔

اینا اور لوسی ڈیسنگ نام کی بہنیں 37 سال کی ہیں ۔ پچھلے دنوں یہ دونوں اپنے بوائے فرینڈ کے ساتھ ڈیٹ نائٹ پر گئی تھیں ۔ خاص بات یہ ہے کہ دونوں کا ایک ہی منگیتر ہے ۔ اس موقع پر دونوں نے ایک ہی جیسی ڈریس پہن رکھی تھی ۔

ان کی فراک کو سونے کے زیورات کے ساتھ ڈیزائن کیا گیا تھا ، جس میں جھمکے بھی لگے تھے ۔ دونوں کا ایک ہی طرح کا میک اپ بھی تھا ۔ جڑواں بہنوں نے انسٹاگرام پر اس کی تصویر کو خاص کیپشن کے ساتھ پوسٹ کیا ۔ لکھا : اچھی چیزیں تین کے ساتھ میں آتی ہیں ۔

اینا اور لوسی کہتی ہیں کہ وہ سب کچھ ایک ساتھ شیئر کرتی ہیں اور کبھی الگ نہیں ہوسکتیں ۔ دونوں نے بین بایرن سے منگنی کی ہے ۔ اس سے پہلے ان دونوں نے اپریل میں انسٹاگرام پر پوسٹ کیا تھا ، تب ان دونوں نے کہا تھا کہ وہ ایک ہی شوہر کے ساتھ ایک ہی وقت میں حاملہ ہونے کی کوشش کررہی ہیں ۔

بتادیں کہ دونوں بہن ایک ساتھ نہاتی ہیں ۔ یہاں تک کہ دونوں ایک ساتھ ٹوائلٹ کا بھی استعمال کرتی ہیں ۔ یہ دونوں پچھلے گیارہ سال سے اپنے ہونے والے شوہر کے ساتھ ہیں ۔ وہ تینوں ہر رات ایک ہی بستر پر ساتھ سوتے ہیں ۔

اینا نے پہلے کہا تھا کہ ہم نے پہلے کبھی پریگنینسی ٹیسٹ نہیں کیا ہے ۔ انہوں نے کہا کہ یہ حقیقت میں جادوئی ہے کہ ایک اسٹک کیسے تصدیق کرسکتی ہے کہ آپ حاملہ ہیں ۔

دونوں بہنیں سوشل میڈیا پر کافی سرگرم رہتی ہیں ۔ ان دونوں کا ایک ہی انسٹاگرام اکاونٹ ہے ۔ ان کے ایک لاکھ سے زیادہ فالوورس ہیں ۔