مدھیہ پردیش میں کورونا قہر کے سبب مالی خستہ حالی کا شکار پرائیویٹ اسکولوں نے حکومت کے سخت رویہ سےناراض ہوکر آج سے آن لائن کلاسوں کو بند کرنے کا فیصلہ کیا ہے۔سی بی سی ایس اور ایم پی بورڈ سے ملحقہ پرائیویٹ اسکولوں نےاپنے مطالبات کو لیکر دس جولائی کو ہی حکومت کو انتباہ دیا تھا کہ یا تو انہیں فیس میں اضافہ کرنے کا حق دیا جائے یا حکومت انہیں اسکول چلانے کے لئے خصوصی پیکج کا اعلان کرے ۔ حکومت کی جانب سے زبانی طور پر پرائیویٹ اسکولوں کے مسائل پر غورکرنے کی بات تو کہی گئی لیکن کوئی احکام جاری نہیں ہونے سے پرائیویٹ اسکولوں نے آج سے آن لائن کلاسوں کو بند کردیا ہے
