قطر میں عام انتخابات کے تحت ووٹنگ کا عمل جاری ہے۔مجلس شوریٰ یعنی قانون ساز اسمبلی کی پینتالیس نشستوں میں سےتیس پر انتخابات ہوتے ہیں جبکہ پندرہ سیٹوں پر ارکان کا تقرر قطر کے امیر کرتے ہیں۔انتخابی اکھاڑے میں کل دو سو چوراسی امیدوار میدان میں ہیں ان میں اٹھائیس خاتون امیدواربھی ہیں ۔تجزیہ نگار اسے مثبت قدم بتا رہے ہیں۔مبصرین کا ماننا ہے کہ یہ ایک انتہائی مثبت قدم ہے ۔شہریت کے قانون کے مطابق صرف ایسے افراد ہی قطر کے شہری ہو سکتے ہیں جن کے والد کا تعلق قطر سے ہو۔ وہ خواتین جن کی شہریت تو قطر کی ہے لیکن انہوں نے کسی اور ملک کے شخص سے شادی کی ہو تو اس صورت میں ان کے بچوں کو قطر کی شہریت نہیں دی جاتی۔ایسی خواتین جنہوں نے غیر ملک کے شخص سے شادی کی ہو تو ان کے بچوں کو قطر میں مختلف مراعات، زمین خریدنے اور ریاست کی دیگر سہولیات حاصل نہیں ہوتیں۔
