چندری گام ترال سے تعلق رکھنے والے انجینئرنگ کے طالب علم محمد سلمان نے اپنے کچھ ساتھیوں کے ساتھ سوشل میڈیا پر ۔کوشر سائنٹسٹ۔ کے نام سے ایک چینل اور ویب سائٹ شروع کرکے اسکولی بچوں کے لئے مختلف قسم کے مفت پروگرام تیار کئے ہیں۔ جموں کشمیر کے نیشنل انسٹیٹیوٹ آف ٹیکنالوجی میں زیر تعلیم اس نوجوان نے سنٹرل یونیورسٹی اور اسکاسٹ کے کچھ طالب علموں کے ساتھ مل کر یہ پہل شروع کی ہے۔ تاکہ بچوں کو بہترین تربیت فراہم کی جاسکے سلمان نے کہا کہ انہوں نے فی الحال اتھواس کے نام سے ایک پروگرام شروع کیا ہے۔جس کے ذریعے وہ نویں اور دسویں جماعت کے طالب علموں کے لئے تربیتی پروگرام شروع کرنے جارہے ہیں۔
