جموں و کشمیر میں سری نگر میں ایشیا کا سب سے بڑا ٹیولپ گارڈن عوام کے لئے کھول دیا گیا ہے۔ لیفٹیننٹ گورنر منوج سنہا نے افتتاحی تقریب میں شرکت کی اور دنیا بھر کے لوگوں کو جموں وکشمیر آنےاور جموں وکشمیر کے لوگوں کی مہمان نوازی سے لطف اندوز ہونے اور 16 لاکھ گُلے لالہ کی مسحور کُن خوبصورتی دریافت کرنے کیلئے جموں وکشمیر آنے کی دعوت دی۔ منوج سنہا نےکہا کہ گزشتہ سال اور اس سال ایک اعشاریہ 88 کروڑ سیاحوں نے جموں وکشمیر کا دورہ کیاہے جو کہ ایک ریکارڈ ہے۔
