عام آدمی پر مہنگائی کابوجھ: پٹرول اور ڈیزل کی قیمتوں میں مسلسل اضافہ، آسمان چھو رہی ہیں قیمتیں
عام آدمی پر مہنگائی کابوجھ بڑھتا ہی جارہا ہے۔آج لگاتار چوتھے دن پھر پیٹرول اور ڈیزل کی قیمتوں میں اضافہ کیا گیا ہے۔فی لیٹر پیٹرول کی قیمت میں اٹھائیس سے انتیس پیسے جبکہ ڈیزل کی قیمتوں میں پینتیس سے اڑتیس پیسے کا اضافہ کیا گیا ہے۔اضافی قیمتوں کے بعد اب دہلی میں پیٹرول اٹھاسی روپئے چودہ پیسے فی لیٹر اور ڈیزل اٹھیہتر روپئے اڑتیس پیسے تک جا پہنچاہے جبکہ ممبئی میں فی لیٹر پیٹرول چورانوے روپئے چونسٹھ پیسے اور ڈیزل پچاسی روپئے بتیس پیسے کو پارکرگئی ہیں۔وہیں مدھیہ پردیش کے بھوپال میں پیٹرول کی قیمت چھیانوے روپئے سے پار جبکہ ڈیزل چھیاسی روپئے کے پار پہنچ چکا ہے۔نئے سال کی شروعات سے اب تک پیٹرول کی قیمت میں چار روپئے تینتیس پیسے جبکہ ڈیزل کی قیمت میں چار روپئے اکیاون پیسے فی لیٹر کا اضافہ کیا گیا ہے۔ ۔
