مرکز اور کسانوں کی آج ہوگی بات چیت

مرکز اور کسانوں کے بیچ آج پھر بات چیت ہوگی۔مرکزی وزراء اور کسان تنظیموں کے لیڈروں کی وگیان بھون میں دوپہر دو بجے ملاقات ہوگی۔آج زرعی قوانین اورایم ایس پی پر بات چیت ہوگی۔یہ دونوں تجاویز اہم ہیں اوراسی پر پینچ پھنسی ہوئی ہے۔۔تیس دسمبر کو ہوئی بات چیت میں دو تجویزوں پر اتفاق ہوا تھا۔وزیرزراعت نریندر سنگھ تومر کے مطابق ماحولیات سے جڑے آرڈیننس اوربجلی کے بل کے مسئلے پر بات بن گئی ہے۔کسان زرعی قوانین کی منسوخی کی مطالبے پر کسان قائم ہیں جبکہ مرکزترمیم کے لیے تیار ہے ۔اس نے صاف کردیا ہے کہ وہ قوانین واپس نہیں لے گا۔بات چیت سے قبل بھارتیہ کسان یونین کے ترجمان راکیش ٹِکیٹ کا کہنا ہے کہ حکومت کو سوامیناتھن کمیٹی کی رپورٹ نافذکرنی چاہیے اور ایم ایس پی پرقانون وضع کرنا چاہیے۔انھوں نے یہ بھی واضح کیا کہ کسانوں زرعی قوانین کو رد کیے جانے سے کم پر راضی نہیں ہوں گے۔