شہریت ترمیمی قانون کے خلاف احتجاج کرنے والے وکلا نے مرکز کی بی جے پی زیرقیادت حکومت کے خلاف نعرے بازی کی اور اپنے ہاتھوں میں پلے کارڈس تھام کریہ احتجاج کیا جس میں شہریت ترمیمی قانون اور این آرسی کی شدت سے مخالفت کی گئی۔ان وکلا نے مطالبہ کیا کہ اس قانون کو واپس لیا جائے۔اس مسئلہ پر وکلا کے دو گروپس کی منقسم رائے اور موافق و مخالف شہریت ترمیمی قانون رائے کے اظہار و ریلی پر پولیس چوکس ہوگئی۔احتجاج کے موقع پر صورتحال پر قابو پانے کے لئے پولیس کی بھاری تعداد کو وہاں تعینات کردیاگیا۔
