اقلیتی اسکیموں پر مرکزی حکومت کوسپریم کورٹ کا نوٹس،نیشنل مائنارٹی کمیشن ایکٹ کی قانونی حیثیت کو بھی دی گئی چنوتی

اقلیتی طبقے کے لئے مرکز کے ذریعے جاری 4800کروڑ کی اسکیموں کو سپریم کورٹ میں چنوتی دی گئی ہے۔ عرضی پر عدالت نے مرکزی حکومت کو نوٹس جاری کرکے جواب مانگا ہے۔نیرج شنکر سکسینہ کے ذریعےسپریم کورٹ میں داخل عرضی میں کہا گیا ہیکہ اقلیتوں کے لئے یہ اسکیمیں دفعہ چودہ پندرہ اور ستایئس کی خلاف ورزی کرتی ہیں۔ مرکزی حکومت کو یہ اختیار نہیں ہیکہ ٹیکس دہندگان کا پیسہ کسی ایک مذہب کے ماننے والوں پر خرچ کرے۔عرضی میں نیشنل مائنارٹی کمیشن ایکٹ کی قانونی حیثیت کو بھی چنوتی دی گئی ہے۔